اسلام آباد: پاکستان پیپلز پارٹی نے  سینیٹ میں اپنا اپوزیشن لیڈر لانے کا فیصلہ کرلیا۔

ذرائع کے مطابق اس سلسلے میں عوامی نیشنل پارٹی اور بلوچستان نیشنل پارٹی مینگل کی جانب سے پیپلز پارٹی کو حمایت کی یقینی دہانی کرائی گئی ہے۔

 

ذرائع کا کہنا ہےکہ  پیپلز پارٹی کے پاس سینیٹ میں اپنے 21 ووٹ ہیں جب کہ اے این پی اور بی این پی مینگل کے سینیٹ میں 2،2  ارکان ہیں۔

ذرائع کے مطابق پیپلزپارٹی کی جانب سے شیری رحمان کو اپوزیشن لیڈر نامزد کیے جانے کا امکان ہے اور پیپلزپارٹی 25 سینیٹرز کے دستخط والی درخواست چند روز میں سینیٹ سیکرٹریٹ میں دے گی۔

واضح رہےکہ اپوزیشن اتحاد پاکستان ڈیموکریٹک کے اجلاس میں سینیٹ میں اپنا اپوزیشن لیڈر لانے کے معاملے پر (ن) لیگ اور پیپلزپارٹی کے درمیان اختلافات سامنے آئے جس میں (ن) لیگ نے سینیٹ میں اپنا اپوزیشن لیڈر لانے کا مطالبہ کیا ہے جب کہ پیپلزپارٹی اپنا اپوزیشن لیڈر لانے پر مُصر ہے۔

پی ڈی ایم میں استعفوں کے معاملے پر بھی اختلافات ظاہر ہوچکے ہیں جس کےباعث 26 مارچ سے شروع ہونے والا لانگ مارچ ملتوی کردیا گیا ہے۔

جواب ڇڏي وڃو

توهان جو برق‌ٽپال پتو شايع نہ ڪيو ويندو. گھربل شعبا مارڪ ڪيل آهن *