ڪراچي (اسٽاف رپورٽر) ديپڪ کان عليحدگي اختيار ڪرڻ بعد سنيتا راٺوڙ پوليس مقابلي خلاف ڪيس کان به پاسيري ٿي وئي، ديپڪ ڪمار ڪيس ۾ پٽيشنر بڻجڻ ۽ معاوضي رقم سنيتا بدران کيس ادا ڪرڻ لاءِ سنڌ هاءِ ڪورٽ ۾ درخواست داخل ڪري ڇڏي،  درخواست ۾ ديپڪ موقف اختيار ڪيو آهي ته سُنيتا قانوني طور هاڻ منهنجي زال ناهي رهي، هاڻي هوءَ ڪيس جي پيروي نه ڪندي، آئون پاڻ ڪيس جي پيروي ڪندس، علاج ۽ ٻار جي تعليمي خرچن لاءِ رقم هاڻ مون کي ادا ڪئي وڃي، سنڌ هاءِ ڪورٽ ۾ ڪيس تي ٻڌڻي دوران سنيتا جي وڪيل چيو ته سنيتا جي ڪابه خبر نه آهي ۽ ساڻس رابطو به نٿو ٿئي، عدالت سنيتا راٺوڙ کي ايندڙ ٻڌڻي تي پيش ٿيڻ جو حڪم ڏئي ڇڏيو، ٻڌڻي 17 فيبروري تائين ملتوي ڪئي وئي آهي.

جواب ڇڏي وڃو

توهان جو برق‌ٽپال پتو شايع نہ ڪيو ويندو. گھربل شعبا مارڪ ڪيل آهن *